Համահայկական ձմեռային խաղերի կանոնակարգից

26 նոյեմբերի, 2013

Անհրաժեշտ տեղեկատվություն
Համահայկական ձմեռային խաղերի կանոնակարգից

Համահայկական ձմեռային խաղերին մասնակցում են աշխարհի քաղաքների հավաքական թիմերը:

Ցանկացած երկրի քաղաքացի կարող է մասնակցել Խաղերին, եթե նա՝

հայկական ծագում ունի հոր և մոր կողմից,
հայկական ծագում ունի միայն հոր կողմից,
հայկական ծագում ունի միայն մոր կողմից՝ հետևաբար չունենալով հայկական ազգանուն,
ամուսիններ, որոնք ամուսնությունից հետո վերցրել են հայկական ազգանուններ։

Հայկական ազգային անձնագրեր ունեցող բոլոր քաղաքացիները կարող են մասնակցել Խաղերին:

Քաղաքի մարզական պատվիրակության կազմում այս կամ այն մարզիկին ընդգրկելու հիմնավորման համար մասնակիցը պետք է իր հետ ունենա ազգային անձնագիր կամ այն երկրում մշտական բնակության թույլտվություն (օրինակ՝ այսպես կոչված ՙGreen Card՚), որտեղ գտնվում է Խաղերին մասնակցելու ցանկություն հայտնած քաղաքը:

Վերը նշված դրույթները չեն վերաբերում մարզիչներին և մրցավարներին, որոնք կարող են լինել քաղաքացիությամբ կամ ծագումով ոչ հայ:

Համահայկական Խաղերի մասնակիցների համար չկան տարիքային սահմանափակումներ, բացառությամբ այն դեպքերի, երբ դա նախատեսված է Միջազգային ֆեդերացիաների կանոններով:

Համահայկական Խաղերի մասնակիցները պարտավոր են ունենալ իրենց հետ ապահովագրության վկայական Խաղերի ողջ ժամկետի համար։

Քաղաքային կոմիտեների` Համահայկական խաղերի համաշխարհային կոմիտեին հասցեագրված` Խաղերին մասնակցության վերջնական անվանական հավատարմագրման դիմումները անհրաժեշտ է ներկայացնել մինչև դեկտեմբերի 15-ը:

Համահայկական խաղերի ծրագրում ընդգրկված են 4 մարզաձևեր՝

հոկեյի մրցումները թիմային մրցումներ են:
դահուկի, լեռնադահուկի և սնոուբորդի մրցումներն անհատական մրցումներ են:

Դահուկ (կանայք և տղամարդիկ):

• Կանայք՝ 5 կմ դասական ոճ
• Տղամարդիկ՝ 10 կմ դասական ոճ

Լեռնադահուկ (կանայք և տղամարդիկ):
• Կանայք՝ հատուկ ոլորավայրէջք, հսկա ոլորավայրէջք
• Տղամարդիկ՝ հատուկ ոլորավայրէջք, հսկա ոլորավայրէջք

Սնոուբորդ (կանայք և տղամարդիկ):
• Կանայք՝ հատուկ ոլորավայրէջք, հսկա ոլորավայրէջք
• Տղամարդիկ՝ հատուկ ոլորավայրէջք, հսկա ոլորավայրէջք

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր