Դեսպան Տիգրան Մկրտչյանի հանդիպումը Կրետեի փոխկառավարիչ Միլակի Գեորգիայի հետ

06 սեպտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Կրետեի շրջանի փոխկառավարիչ Միլակի Գեորգիային։

Հանդիպմանը քննարկվել են Հայաստանի հետ միջտարածաշրջանային համագործակցության հարցեր։ Դեսպան Մկրտչյանը նշել է, որ հայաստանյան զբոսաշրջիկները Հունաստանի շրջաններից բավական մեծ թվով տարեկան այցելում են Կրետե։ Սակայն Կրետեից և Հունաստանից դեպի Հայաստան զբոսաշրջության թվերը անհամեմատ համեստ են և զգալի աշխատանք կա այդ ուղղությամբ իրականացնելու, ներառյալ զբոսաշրջային ընկերությունների կողմից։

Միաժամանակ ընդգծվել է տնտեսական համագործակցության կարևորությունը` հաշվի առնելով Կրետեի տնտեսական զարգացվածությունը և գյուղատնտեսական արտադրանքների որակը։

Քննարկվել են Կրետեի հետ մշակութային համատեղ ծրագրերի իրականացման հնարավորությունները, մասնավորապես համատեղ ցուցահանդեսների և այլ մշակութային միջոցառումների միջոցով Հայաստանի զբոսաշրջային գրավչությունը բարձրացնելու ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր