Դեսպան Տիգրան Մկրտչյանը այցելել է Աթենքի Բյուզանդական և քրիստոնեական թանգարանի մաս կազմող Լովերդոսի թանգարան

29 սեպտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը այցելել է Աթենքի Բյուզանդական և քրիստոնեական թանգարանի մաս հանդիսացող Լովերդոսի թանգարան։

Դեսպան Մկրտչյանը թանգարանի գլխավոր տնօրեն Եկատերինա Դելապորտայի հետ շրջայց է կատարել Լովերդոսի թանգարանում, ծանոթացել այստեղ ներկայացվող բացառիկ ցուցանմուշներին։

Առանձնազրույցի ընթացքում քննարկվել են առաջիկայում դեսպանության հետ համագործակցաբար միջոցառումներ անցկացնելու հնարավորությունները։ Միաժամանակ քննարկման առարկա է եղել Հայաստանի հետ միջթանգարանային համագործակցության հաստատումն ու զարգացումը։ Դեսպան Մկրտչյանը մատնանշել է այդ ուղղությամբ Հունաստանի հետ վերջերս ձեռք բերված պայմանավորվածությունները, որոնք կայացել են ՀՀ կրթության, գիտության, մշակույթի և սպորտի նախարար Ժաննա Անդրեասյանի Աթենք կատարած պաշտոնական այցի ընթացքում։

Տիկին Դելապորտան ջերմությամբ վերհիշել է նախկինում երկու անգամ իրենց թանգարանում հայկական մշակութային թեմաներով կազմակերպված խոշոր ցուցահանդեսները, որոնք անցել են մեծ հաջողությամբ։

Այցելության ավարտին դեսպան Տիգրան Մկրտչյանը հյուրերի համար նախատեսված հուշամատյանում կիսվել է իր տպավորություններով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր