Դեսպան Տիգրան Մկրտչյանի այցը Եվրոպական Հանրային Իրավունքի Կազմակերպություն (EPLO)

22 հոկտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանն այցելել է Եվրոպական Հանրային Իրավունքի Կազմակերպություն (European Public Law Organization- EPLO), որին կից գործում է նաև Եվրոպական իրավունքի և կառավարման դպրոցի Աթենքի մասնաճյուղը։

Դեսպան Մկրտչյանը հանդիպել է EPLO-ի տնօրեն և տնօրենների խորհրդի նախագահ, պրոֆ․ Սպիրիդոն Ֆլոգայտիսի հետ։ Հանդիպմանը մասնակցել է կազմակերպության արտաքին կապերի ղեկավար, դեսպան Փանոս Կալագերոպուլոսը։

Հանդիպմանը քննարկվել են EPLO - European Public Law Organization -ի հետ Հայաստանի համագործակցության արդյունքները և առաջիկա ծրագրերը։ Սպիրիդոն Ֆլոգայտիսը գոհունակությամբ է նշել, որ կազմակերպությունը Հայաստանի հետ վերջին տարիներին արդյունավետ համագործակցություն է ձևավորել։ Համագործակցությունը ներառում է պետական կառույցների հետ համագործակցությունը, ԲՈՒՀ-երի հետ հարաբերությունների հաստատումը և Հայաստանից քաղաքացիական ծառայողների, ինչպես նաև բակալավրիատի և մագիստրատուրայի ուսանողների համար կրթաթոշակների տրամադրումը, դեսպանության հետ համագործակցությունը տարբեր համատեղ միջոցառումներ կազմակերպելիս։

Դեսպանն իր երախտագիտությունն է արտահայտել Եվրոպական Հանրային Իրավունքի Կազմակերպության ղեկավարին արդյունավետ համագործակցության համար` հավելյալ կարևորություն տալով նաեւ Հայաստանի պետական ԲՈՒՀ-երի հետ հարաբերությունների կայացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր