Հանդիպում Լարիսայի քաղաքապետի հետ․ դեսպան Տիգրան Մկրտչյանը քննարկել է համագործակցության և կայուն զարգացման հեռանկարները

29 հոկտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը Թեսալիա մարզ կատարած այցի ընթացքում հանդիպել է Լարիսայի քաղաքապետ Մամակոս Աթանասիոսի հետ։

Հանդիպմանը քննարկվել են Հայաստանի քաղաքների հետ հարաբերություններ հաստատելու հնարավորությունները։

Լարիսայի քաղաքապետը ներկայացրել է քաղաքի կառավարման իր հայեցակարգը, որի կիզակետում է կանաչ տնտեսության զարգացումը։ Միաժամանակ քննարկվել են ավանդական ուղղություններով (կրթական, մշակութային) երկկողմ հնարավոր նախաձեռնությունների կազմակերպման հեռանկարները։

Մամակոս Աթանասիոսը իր խորին երախտիքներն է արտահայտել դեսպան Մկրտչյանին` "Օխի" ազգային օրվա միջոցառումներին իր քաղաքում գտնվելու որոշման և Թեսալիայի մարզ պաշտոնական այց ունենալու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր