Տարածաշրջանային համագործակցության շուրջ քննարկում․ դեսպան Տիգրան Մկրտչյանի հանդիպումը Թեսալիայի մարզպետ Դիմիտրիոս Կուրետասի հետ

29 հոկտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Թեսալիայի մարզպետ Դիմիտրիոս Կուրետասի հետ։

Հանդիպմանը քննարկվել են Հայաստանի մարզերի հետ համագործակցության հնարավորությունները։ Դեսպան Մկրտչյանը հրավիրել է Դիմիտրիոս Կուրետասին Թեսալիայի մարզի մի շարք առաջատար գործարարների հետ Հայաստան այցելել և տեղում ծանոթանալ Հայաստանի հետ փոխգործակցության հեռանկարները։ Թեսալիայի մարզպետը ողջունել է առաջարկությունը։

Քննարկվել են համագործակցության այնպիսի ուղղություններ, ինչպիսիք են գյուղատնտեսությունը, բարձր տեխնոլոգիաները, կրթությունը, մշակույթը։

Երկկողմ պայմանավորվածություն է կայացել նաև տարածաշրջանում Հայաստանին նվիրված միջոցառումներ անցկացնել։

Մարզպետը կարևորել է հունահայ համայնքի դերը երկրի կյանքի տարբեր ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր