Փոքր Ասիայի Հույների ցեղասպանության զոհերի հիշատակին նվիրված հոգեհանգստի արարողություն Սալոնիկում

18 սեպտեմբերի, 2022

Թուրքական պետության կողմից իրագործված Փոքր Ասիայի Հույների ցեղասպանության զոհերի հիշատակման օրվանը նվիրված միջոցառումների շրջանակներում, Սալոնիկում ՀՀ Պատվավոր հյուպատոս Ակիս Դագազյանը ներկա է գտնվել Նեապոլի – Ստավրուպոլիի թեմի առաջնորդ Վարնավայի կողմից անցկացված և Փոքր Ասիայի Հույների ցեղասպանության զոհերի հիշատակին նվիրված հոգեհանգստի արարողությանը:

Հոգեհանգստի արարողությունը տեղի է ունեցել Նեապոլիի Սուրբ Պրոդրոմոսի Մայր Տաճարում:

Արարողությանը ներկա էին Սալոնիկի քաղաքական և ռազմական իշխանության ներկայացուցիչները, այդ թվում՝ արարողությանը Հունաստանի վարչապետին ներկայացնող պարոն Ստավրոս Կալաֆատիսը՝ Հունաստանի ներքին գործերի փոխնախարար՝ պատասխանատու Մակեդոնիայի և Թրակիայի շրջանների համար, Սալոնիկի փոխմարզմետ տիկին Պարասկևի Պատուլիդուն, Սալոնիկի քաղաքապետ պարոն Կոնստանտինոս Զերվասը, Նեապոլի Սիկեոնի քաղաքապետ պարոն Սիմոս Դանիլիդիսը, Ամպելոկիպի Մենեմենիի քաղաքապետ պարոն Լազարոս Կիրիզօղլուն, Երրորդ բանակային կորպուսի հրամանատար Սոտիրիոս Կոստակօղլուն, Սալոնիկում Կիպրոսի Հանրապետության Գլխավոր հյուպատոս պարոն Կոնստանտինոս Պոլիկարպուն, ինչպես նաև պատգամավորներ, կուսակցությունների, ընկերակցությունների և կառույցների ներկայացուցիչներ:

Այնուհետև տեղի է ունեցել ծաղկեպսակների զետեղման արարողություն Հույն փախստականների հուշարձանի մոտ: ՀՀ Պատվավոր հյուպատոս պարոն Ակիս Դագազյանը ծաղկեպսակ է զետեղել Հունաստանում ՀՀ դեսպան Տիգրան Մկրտչյանի անունից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր