Հունաստանում ՀՀ դեսպանություն են այցելել Աթենքի Հայակական Կապույտ Խաչի «Ազնիվ եւ Ժիրայր Ճէնազեան» միջնակարգ ազգային վարժարանի 7-9-րդ դասարանի աշակերտները

19 դեկտեմբերի, 2023

Ամանորին ընդառաջ Աթենքի հայկական դպրոցների այցը Հունաստանում Հայաստանի Հանրապետության դեսպանություն շարունակվում է։

Այսօր Հունաստանում ՀՀ դեսպանություն էին այցելել Աթենքի Հայակական Կապույտ Խաչի «Ազնիվ եւ Ժիրայր Ճէնազեան» միջնակարգ ազգային վարժարանի 7-9-րդ դասարանի աշակերտները՝ ուսուցչական անձնակազմի և դպրոցի ղեկավարության ուղեկցությամբ։

Հունաստանում ՀՀ արտակարգ և լիազոր դեսպան Տիգրան Մկրտչյանը ողջույնի խոսքեր հղեց վարժարանի աշակերտներին` մաղթելով նրանց ուսման մեջ բազմաթիվ հաջողություններ, իսկ ավարտական դասարանի աշակերտներին՝ նորանոր ձեռքբերումներ բարձրագույն ուսումնական հաստատություններում ուսումը շարունակելու ցանկությունը կյանքի կոչելու ընթացքում։

Պատանիները ներկայացրեցին հայկական ժողովրդական պարեր, երգեր, ասմունքներ։

Միջոցառման ավարտին դպրոցականները դեսպանության կողմից ստացան Ամանորյա նվերներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր