Փետրվարի 9–ին Հունաստանում Հայաստանի Հանրապետության դեսպանության շենքում տեղի ունեցավ Հայաստանի Հանրապետության զինված ուժերի կազմավորման 32-ամյակին նվիրված միջոցառում։

09 փետրվարի, 2024

Ողջույնի խոսքով հանդես եկավ Հունաստանում և Կիպրոսում ՀՀ ՊՆ Զինված ուժերի ներկայացուցիչ փոխգնդապետ Արմեն Միրզաբեկյանը, ով իր խոսքում մասնավորապես նշեց Ներկայիս անվտանգային զարգացումների համատեքստում ՀՀ Զինված ուժերի բարեփոխումների անխուսափելիությունը, կարևորելով միջազգային համագործակցությունը, այդ թվում՝ Հայաստան-Հունաստան և Հայաստան-Հունաստան-Կիպրոս ձևաչափերով:

Նա ընդգծեց նաև Հունաստանի ռազմական կրթական հաստատություններում հայ կուրսանտների առկայությունը ՀՀ ԶՈՒ բարեփոխումների գործում վերջիններիս առաքելության համատեքստում:

Ելույթով հանդես եկավ Հունաստանում ՀՀ արտակարգ և լիազոր դեսպան Տիգրան Մկրտչյանը, ով շնորհավորեց ՀՀ զինված ուժերի կազմավորման 32-րդ տարեդարձը:

Դեսպանն ընդգծեց, որ հայկական բանակի վերակազմավորումը, արդիականացումը և տեխնիկական հագեցվածությունը անխուսափելի են։ Բարեփոխումների ճանապարհով բանակի վերակազմավորումը հետապնդում է Հայաստանի անվտանգության ապահովման նպատակ, ինչը հետևողական և ժամանակատար աշխատանքի արդյունքում կյանքի կկոչվի։

Նա նշեց նաև, որ Հունաստանի և Կիպրոսի հետ պաշտպանության ոլորտում համագործակցությունը մեծ կարևորություն ունի, քանի որ Հայաստանը կարիք ունի վստահելի գործընկերների։

Ներկաները պատիվ ունեցան վայելելու հունահայ Միհրան Ցալիկյանի գլխավորած փողային նվագախմբի կատարումները` նվիրված Հայաստանին և հայկական բանակին։

Միջոցառմանը հաջորդեց հայական ավանդական ուտեստների և խմիչքների հյուրասիրություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր