Դեսպանությունը ողջունել է Տնտեսագիտության միջազգային օլիմպիադային մասնակցող հայաստանյան պատվիրակությանը

20 օգոստոսի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը և դեսպանության հյուպատոս Լիաննա Մարությանը դեսպանությունում ընդունել են օգոստոսի 21-24-ին Հունաստանի Օլիմպիայում Տնտեսագիտության միջազգային օլիմպիադային մասնակցության համար ժամանած հայաստանյան պատվիրակությանը։

Հանդիպմանը դեսպան Մկրտչյանը և հյուպատոս Մարությանը ներկայացրել են Հունաստանում Հայաստանի Հանրապետության դեսպանության աշխատանքի հիմնական ուղղությունները, պատասխանել աշակերտների հարցերին։ Դեսպանը և հյուպատոսը Հայաստանը ներկայացնող աշակերտներին մաղթել են հաղթանակ առաջիկա մրցույթին, ինչպես նաև՝ հաջողություններ ուսման ընթացքում։

Հինգ ավագ դպրոցի աշակերտներից բաղկացած թիմն ընտրվել է Տաթևացի տնտեսագիտության օլիմպիադայի (TEO) արդյունքներով, որը կազմակերպվում է Վարքագծային որոշումների կենտրոնի կողմից, ՀՀ կրթության, գիտության, մշակույթի և սպորտի նախարարության, Հայաստանի Կենտրոնական Բանկի, Հայաստանի ամերիկյան համալսարանի և Economics Fundamentals Initiative-ի (Տնտեսական hիմունքների նախաձեռնության) հետ համագործակցությամբ։ Այս ընթացքում TEO-ն դարձել է երկրի առաջատար նախաձեռնությունը երիտասարդական տնտեսագիտական կրթության ոլորտում։ Աշակերտները կներկայացնեն Հայաստանը միջազգային բեմում ավելի քան 20 երկրներից ժամանած իրենց հասակակիցների հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր