Դեսպան Տիգրան Մկրտչյանի հանդիպումը Խերսոնիսոսի քաղաքապետ Զախարիաս Դոխաստակիսի հետ

06 սեպտեմբերի, 2025

Հունաստանի Հանրապետությունում Հայաստանի Հանրապետության արտակարգ և լիազոր դեսպան Տիգրան Մկրտչյանը Կրետե կատարած աշխատանքային այցի ընթացքում հանդիպել է Խերսոնիսոսի քաղաքապետ Զախարիաս Դոխաստակիսի հետ։

Դեսպան Մկրտչյանը, հաշվի առնելով, որ տարեկան 200․000 հայ զբոսաշրջիկ է այցելում Կրետե և որ Խերսոնիսոսն ընդունում է այդ զբոսաշրջիկներից շատերին, հանդիպման ընթացքում անդրադարձ կատարեց զբոսաշրջության ինչպես դրական դինամիկային, այնպես էլ առկա մարտահրավերներին։

Հետագա համագործակցությունը խթանելու նպատակով դեսպանն առաջարկեց հանդես գալ հայ-հունական համատեղ մշակութային և զբոսաշրջային ծրագրերով, ինչպես նաև քննարկել Խերսոնիսոսի և Հայաստանի քաղաքների միջև համագործակցության հաստատման հնարավորությունը։

Պարոն Դոխաստակիսն ընդգծեց երկու ժողովուրդների միջև բարեկամական հարաբերությունները՝ հիմնված համընդհանուր արժեքների և պատմության վրա՝ համաձայնելով, որ շատ կարևոր է շարունակել համագործակցությունը մշակութային, զբոսաշրջության և տնտեսական ոլորտներում։

Միաժամանակ քաղաքապետը պատրաստակամություն հայտնեց հարաբերություններ հաստատել հայկական կողմի հետ ապակենտրոնացված համագործակցության շրջանակներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր