Դեսպան Տիգրան Մկրտչյանի հանդիպումը Լարիսայի փոխքաղաքապետ Թոմաս Ռեցիանիսի հետ

28 հոկտեմբերի, 2025

Հունաստանի Թեսալիա շրջանի մարզկենտրոն Լարիսա կատարած այցի ընթացքում Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է մարզկենտրոնի մշակութային կապերի համար պատասխանատու փոխքաղաքապետ Թոմաս Ռեցիանիսի հետ։

Վերջինիս հետ դեսպան Մկրտչյանը քննարկել է Հայաստանի տարբեր մարզերի, ինչպես նաեւ մայրաքաղաքային մշակութային հաստատությունների հետ համագործակցության հաստատման հնարավորությունները։ Մշակութային ոլորտում փոխքաղաքապետ Ռեցիանիսը մատնանշել է տիկնիկային թատրոնի նշանակությունը և հրավիրել է Հայաստանի Ազգային տիկնիկային թատրոնին մասնակցելու Լարիսայում կազմակերպվող տիկնիկային թատրոնների փառատոնին։

Միաժամանակ քննարկվել են Լարիսայի կինոփառատոնների հայկական մասնակցության հնարավորությունները։ Երկկողմ հետաքրքրություն է արտահայտվել հաստատել կապեր կրթական հաստատությունների միջև, մասնավորապես բժշկական և երաժշտական կրթօջախների մակարդակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր