Հայտարարություն ՀՀ բարձրագույն ուսումնական հաստատություններ սփյուռքահայ դիմորդների ընդունելության մասին 2012-2013 ուսումնական տարվա համար

18 հունիսի, 2012

Հունաստանում

Հայաստանի Հանրապետության դեսպանություն

ՄԱՄԼՈ ՀԱՂՈՐԴԱԳՐՈՒԹՅՈՒՆ

ՀՀ կրթության և գիտության նախարարությունը հայտարարում է 2012-2013 ուսումնական տարում Հայաստանի Հանրապետության բարձրագույն ուսումնական հաստատություններ սփյուռքահայ դիմորդների ընդունելության մասին:

Սփյուռքահայ դիմորդների ընդունելությունը կատարվելու է «Հայաստանի Հանրապետության բարձրագույն ուսումնական հաստատություններ օտարերկրյա քաղաքացիների ընդունելության» կարգի համաձայն:

Սփյուռքի համար առաջնային համարվող մասնագիտությունների գծով կադրերի պատրաստման նպատակով սփյուռքահայ դիմորդներին ՀՀ կառավարության կողմից պետական պատվերի շրջանակներում հատկացվել է 70 համալսարանական (բակալավր) տեղեր, որոնց բաշխումը կատարվելու է ՀՀ կրթության և գիտության նախարարի հրամանով ստեղծվող հանձնաժողովի կողմից, մրցութային կարգով, դիմորդների կողմից ներկայացված փաստաթղթերի քննարկման միջոցով: Անվճար տեղերի մրցույթին կարող են մասնակցել մանկավարժական, հայագիտական, մշակութային մասնագիտույթունների համար դիմորդները:

Պետական պատվերի տեղերից բացի, նույն կարգի համաձայն, սփյուռքահայ դիմորդները հնարավորություն ունեն ընդունվել նաև վճարովի համակարգ, այդ թվում նաև քոլեջներ, մագիստրատուրա և ասպիրանտուրա:

ՀՀ կրթության և գիտության նախարարություն փաստաթղթերի ներկայացման ժամկետը ս.թ. հուլիսի 9-ից մինչև օգոստոսի 24-ն է:

Հայոց լեզվին բավարար տիրապետելու և կրթական ծրագրերին հարմարվելու նպատակով սփյուռքահայ դիմորդներն ընդունվելու են բուհերի նախապատրաստական բաժանմունք՝ ուսուցման մեկ տարի ժամկետով: Հայոց լեզվից և մասնագիտական առարկաներից բավարար գիտելիքների առկայության պարագայում, ինչը որոշվում է գիտելիքների ստուգման արդյունքներով, դիմորդներին հնարավորություն կտրվի ուսումն սկսել առաջին կուրսից:

Գիտելիքների ստուգմանը մասնակցելու համար դիմորդի ներկայությունը Երևանում օգոստոսի 24-ից պարտադիր է:

Նախապատրաստական բաժանմունքում և ասպիրանտուրայում ուսանելու համար փաստաթղթերն ընդունվում են ս.թ. հուլիսի 9-ից նոյեմբերի 9-ը:

Դիմորդից պահանջվող փաստաթղթերի ցանկն է՝

1. Դիմում ՀՀ կրթության և գիտության նախարարի անունով, որում պետք է նշված լինի ընտրված բուհը և մասնագիտությունը

2. Անձնագրի պատճեն

3. Ծննդյան վկայականի պատճեն՝ հայերեն (ռուսերեն կամ անգլերեն) թարգմանությամբ և նոտարի կողմից հաստատված, կամ մկրտության թուղթ

4. Կրթության վկայականի պատճեն՝ կնքված Ապոստիլ կնիքով, հայերեն (ռուսերեն կամ անգլերեն) նոտարի կողմից վավերացված թարգմանությամբ՝ նշելով ուսումնասիրված առարկաները և հանձնված քննությունները

5. Ինքնակենսագրություն (CV)՝ հայերեն, ռուսերեն կամ անգլերեն լեզուներով

6. Տեղեկանք ընդհանուր առողջական վիճակի մասին՝ հայերեն (ռուսերեն կամ անգլերեն) թարգմանությամբ և վավերացված նոտարական կարգով

7. դիմում-հարցաթերթիկ

8. 4 հատ լուսանկար (3x4)

Ասպիրանտուրա ընդունվել ցանկացողները լրացուցիչ ներկայացնում են նաև ռեֆերատ կամ հրատարակված աշխատությունների ցանկ՝ նշելով հրատարակման ամսաթիվը և վայրը, 2-3 հրապարակումների պատճենը:

Առավել մանրամասն տեղեկություններ ստանալու համար զանգահարել 0037410 58-13-91 հեռախոսահամարով կամ այցելել www.edu.am կայքը, Միջազգային կապեր-Սփյուռք բաժինը, որտեղից կարող եք ներբեռնել դիմումը և դիմում-հարցաթերթիկը:

Դիմումները և այլ անհրաժեշտ փաստաթղթերը ներկայացնել spyurq@yahoo.com էլ-հասցեին՝ վերը նշված ժամկետներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր