Միջազգային կինոփառատոն

12 հոկտեմբերի, 2012

2012թ. հոկտեմբերի 5-ից 12-ը Կորինթիայի Լուտրակի քաղաքում «Կյանքն իբրև տոն» կարգախոսով ընթացավ Պելոպոնեսի առաջին միջազգային կինոփառատոնը` «Բարեկամների կինոն» խորագրի ներքո: Փառատոնի հիմնական նպատակն է Հունաստանի և հունական համայնք ունեցող երկրների միջև բարեկամական հարաբերությունների ամրապնդումը, ինչպես նաև այդ երկրների կինեմատոգրաֆիստների ու կինոսիրողների համագործակցության զարգացումը: Այն անց էր կացվում Հունաստանի մշակույթի նախարարության, Պիրեուսի և կղզիների ՅՈՒՆԵՍԿՕ-ի ակումբի, Պելոպոնեսի մարզպետարանի և Լուտրակիի քաղաքապետարանի հովանու ներքո:
Ցուցադրվեցին ֆիլմեր Հայաստանից, Հունաստանից, Ռուսաստանից, Ղազախստանից, Ուկրաինայից, Մոլդովայից և Ադրբեջանից:

Մասնակից ֆիլմերի շարքում էր Արտակ Իգիթյանի և Վահան Ստեփանյանի «Վանա ծովուն արշալույսը» ֆիլմը` նկարահանված Արմեն ու Արեն Վաթյանների սցենարով: Այն պատմում է Մեծ եղեռնը վերապրած և ԱՄՆ ներգաղթած Կարապետ Փամբուկչյանի մասին, որը ձգտում է ամեն կերպ իր ամերիկանացված սերնդի մեջ արթնացնել ու ամրացնել կորուսյալ Հայրենիքի հետ կապը, վերադարձնել ազգային արմատներին տղային ու թոռանը: Հանդիսատեսին ֆիլմը ներկայացրեց Հունաստանում ՀՀ դեսպանության արտակարգ դեսպանորդ և լիազոր նախարար Մ. Մարտիկյանը:

Ֆիլմը ջերմ ընդունելության արժանացավ հույն հանդիսատեսի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր