«Հայաստան» համահայկական հիմնադրամի 20-ամյակին նվիրված հանդիսություն

17 հոկտեմբերի, 2012

2012թ. հոկտեմբերի 17-ին Աթենքի «Լեդրա Մարիոթ» հյուրանոցի սրահում Հունաստանում ՀՀ դեսպանության հովանու ներքո տեղի ունեցավ «Հայաստան» համահայկական հիմնադրամի 20-ամյակին նվիրված հանդիսությունը` կազմակերպված հիմնադրամի Հունաստանի մասնաճյուղի կողմից:

Ողջույնի խոսքով հանդես եկավ Հունաստանում ՀՀ դեսպան Գ. Ղալաչյանը, որն իր ելույթում ընդգծեց հիմնադրամի ստեղծման և գործունեության բացառիկ կարևորությունը Հայաստանի, Արցախի ու համայն հայության համար:

Հիմնադրամի Հունաստանի հանձնախմբի ատենապետ Վաչե Տեր-Կարապետյանը ներկայացրեց անցած ուղին, հիմնադրամի և մասնավորապես Հունաստանի մասնաճյուղի կողմից իրականացված աշխատանքներն ու առաջիկա ծրագրերը:

Հունահայ համայնքի 10 նշանավոր բարերարներին հանձնվեցին «Հայաստան» համահայկական հիմնադրամի պարգևները:

Ներկաներին ցուցադրվեց 2 տեսահոլովակ հիմնադրամի մասին:
Հավաքվածների առջև ելույթ ունեցավ հայտնի կիթառահար Հակոբ Քոլանյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր