ՀՀ հանրային խորհրդի պատվիրակություն

18 հոկտեմբերի, 2012

2012թ. հոկտեմբերի 15-ից 18-ը Հունաստանի տնտեսական և սոցիալական խորհրդի հրավերով Աթենքում էր գտնվում Հայաստանի հանրային խորհրդի պատվիրակությունը` խորհրդի նախագահ Վազգեն Մանուկյանի գլխավորությամբ:

Հունաստանի տնտեսական և սոցիալական խորհրդի նախագահ Խրիստոս Պոլիզողոպուլոսի հետ հանդիպման ընթացքում քննարկվեցին տարբեր բնագավառներում համագործակցության ընդլայնման, երկու երկրների հանրային-հասրակական ոլորտի կառույցների /մասնավորապես` գիտական և կրթական/ ուղիղ կապերի հաստատման, հանրային խորհուրդների միջև փորձի փոխանակման հարցեր:

Պատվիրակությունը հանդիպում ունեցավ Հունաստանի ԱԳ նախարարի տեղակալ Կոստաս Ցիարասի հետ, որը ողջունեց մեր երկրների հասարակական կառույցների միջև կապեր հաստատելու նախաձեռնությունն, ընգծեց այդ կապերի ամրապնդման անհրաժեշտությունը և արտահայտեց Հունաստանի ԱԳ նախարարության` դրանց ամեն կերպ աջակցելու պատրաստակամությունը:

ՀՀ դեսպանությունում կայացավ հանդիպում հունահայ համայնքային կառույցների ներկայացուցիչների հետ: Պրն. Մանուկյանը ներկայացրեց ՀՀ հանրային խորհրդի անցած ուղին ու առաջիկա գործունեության հիմնական ուղղությունները, պատասխանեց ներկաների հարցերին, ինչպես նաև հարցազրույց տվեց հունահայ մամուլի ներկայացուցիչներին:

Ծանոթություն. ընթացիկ տարվա մարտին Հունաստանի տնտեսական և սոցիալական խորհրդի պատվիրակությունը այցելել է Երևան և հանդիպել ՀՀ Վարչապետին, հունական համայնքին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր