Ցուցահանդեսի բացում ՀՀ դեսպանությունում

06 նոյեմբերի, 2012

Ս. թ. նոյեմբերի 6-ին Հունաստանում Հայաստանի դեսպանության շենքում տեղի ունեցավ տաղանդաշատ սփյուռքահայ նկարիչ Պետրոս Ասլանյանի նկարների ցուցահանդեսի բացումը:

Հանդիսությանը ներկա էին Հունաստանի օրենսդիր և գործադիր իշխանությունների, միջազգային ու հասարակական կազմակերպությունների, մշակույթի և արվեստի ներկայացուցիչներ, գործարարներ, հունահայ համայնքի ներկայացուցիչներ:

Ողջույնի խոսքով հանդես եկան Հունաստանում ՀՀ դեսպանության արտակարգ դեսպանորդ և լիազոր նախարար Մ. Մարտիկյանը և արվեստաբան, թարգմանիչ Հակոբ Ջելալյանը:

Ցուցահանդեսին ներկայացված են նկարչի 40 աշխատանք, այն տևելու է մինչև ս. թ. նոյեմբերի 18-ը: Այդ ընթացքում ինչպես արվեստի գիտակները, այնպես էլ հույն և հունահայ հասարակայնության լայն շրջանակներ հնարավորություն կունենան ծանոթանալ Պետրոս Ասլանյանի ստեղծագործություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր