«Հունաստան-Հայաստան» բարեկամության պատգամավորական խմբի նախագահի հետ հանդիպում

11 հունվարի, 2013

2013թ. հունվարի 11-ին Հունաստանում ՀՀ դեսպան Գագիկ Ղալաչյանը հանդիպում ունեցավ Հունաստանի խորհրդարանի` Հայաստանի հետ բարեկամության նորաստեղծ խմբի նախագահ Ապոստոլոս Կակլամանիսի հետ:

Շնորհավորելով պրն. Կակլամանիսին խմբի ձևավորման և դրա նախագահության ստանձման առիթով, ՀՀ դեսպանը ևս մեկ անգամ շնորհակալություն հայտնեց Հունաստանի խորհրդարանի կողմից 1996թ. Հայոց ցեղասպանության ճանաչման մասին օրենքի ընդունման համար, ինչում իր գործուն և անմիջական դերն էր խաղացել նաև Ա. Կակլամանիսը` որպես այն ժամանկվա խորհրդարանի նախագահ:

Զրուցակիցներն անդրադարձան միջազգային հարաբերությունների փոխադարձ հետաքրքրություն ներկայացնող մի շարք խնդիրների, Գ. Ղալաչյանը վերահաստատեց ՀՀ ԱԺ նախագահ Հ. Աբրահամյանի` Հունաստանի խորհրդարանի նախագահին հասցեագրված, ինչպես նաև «Հունաստան-Հայաստան» բարեկամության խմբի անդամներին` Հայաստան այցելելու հրավերները:

Հանդիպումն անցավ ջերմ, բարեկամական մթնոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր