ՀՀ դեսպանի հանդիպումը Սերբիա-Հայաստան բարեկամության պատգամավորական խմբի հետ

22 ապրիլի, 2013

2013թ. ապրիլի 22-ին Բելգրադում տեղի ունեցավ ՀՀ դեսպան Գ. Ղալաչյանի հանդիպումը Սերբիայի խորհրդարանի Սերբիա-Հայաստան բարեկամության պատգամավորական խմբի անդամների հետ:

Հանդիպման ընթացքում մտքեր փոխանակվեցին հայ-սերբական հարաբերությունների զարգացման հնարավորությունների և առաջնահերթությունների վերաբերյալ, հնչեցին բազմաթիվ առաջարկություններ` հատկապես մշակույթի և կրթության բնագավառում համագործակցության, գործարար շրջանակների միջև կապերի հաստատման վերաբերյալ:

ՀՀ դեսպանը հանգամանորեն ներկայացրեց ՀՀ արտաքին քաղաքականության հիմնական ուղղությունները, առկա խնդիրները, ԼՂՀ հակամարտության կարգավորման գործընթացի ներկա փուլը:

Երկուստեք կարևորվեց երկու երկրների խորհրդարանների միջև համագործակցության խթանումը: Գ. Ղալաչյանն ընդգծեց ինչպես երկկողմ մակարդակով, այնպես էլ տարբեր միջազգային ձևաչափերում միջխորհրդարանական համագործակցությունը: Սերբական կողմը պատրաստակամություն հայտնեց ուղիղ կապ հաստատել ՀՀ ԱԺ-ում գործող Հայաստան-Սերբիա բարեկամության պատգամավորական խմբի հետ` հետագա արդյունավետ համագործակցության նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր