«Հայ լեզվի և գրքի երեկո» խորագրով ցուցահանդես Աթենքում

01 դեկտեմբերի, 2013

2013թ. դեկտեմբերի 1-ին Հունաստանի Հայ Ավետարանական եկեղեցու «Հայկազյան» սրահում Հունաստանում Հայաստանի Հանրապետության դեսպանության հովանավորությամբ կայացավ եկեղեցու «Արևիկ» գրատան կողմից կազմակերպված ցուցահանդես «Հայ լեզվի և գրքի երեկո» խորագրով:

Հունաստանի Հայ Ավետարանական եկեղեցու համայնքապետ Վերապատվելի Վիգեն Չոլաքյանը ներկայացրեց «Արևիկ» գրատան ստեղծման և Հայաստանից, ԱՄՆ-ից, Կանադայից և Լիբանանից նոր գրքերով համալրման պատմությունը, երախտագիտություն հայտնեց ՀՀ կրթության և գիտության նախարարությանը` ցուցադրված գրքերի մի մասը տրամադրելու համար:

Ողջույնի խոսքով հանդես եկավ Հունաստանում ՀՀ դեպանության արտակարգ դեսպանորդ և լիազոր նախարար Մինաս Մարտիկյանը: Կարևորելով նմանատիպ միջոցառումների դերը` նա նշեց հայ գրքի ու մայրենիի կարևոր դերը հայապահպանության գործում և հաջողություն մաղթեց ցուցահանդեսի կազմակերպիչներին իրենց ձեռնարկած և ապագայում ձեռնարկելիք ազգանվեր գործունեության մեջ:

Ելույթով հանդես եկան Հունաստանի Հայ Ավետարանական եկեղեցու մանկապարտեզի սաները, տեղի ունեցավ ցուցահանդեսի պաշտոնական բացման արարողությունը:

Միջոցառմանը ներկա էին Հայ առաքելական եկեղեցու հոգևոր հայրեր, հունահայ համայնքային կառույցների ներկայացուցիչներ, մեծ թվով հայրենակիցներ:

Հունաստանում ՀՀ դեսպանությունը ևս մասնակցեց ցուցահանդեսին Հայաստանից բերված գեղարվեստական գրքերով և դասագրքերով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր