ՀՀ արտակարգ և լիազոր դեսպան Գ. Ղալաչյանի այցը Բոսնիա և Հերցեգովինա

02 դեկտեմբերի, 2013

Դեկտեմբերի 2-ին դեսպան Գագիկ Ղալաչյանը հավատարմագրվեց որպես Բոսնիա և Հերցեգովինայում ՀՀ արտակարգ և լիազոր դեսպան /նստավայրը` Աթենք/: ՀՀ դեսպանն իր հավատարմագիրը հանձնեց Բոսնիա և Հերցեգովինայի նախագահության նախագահ Ժելկո Կոմշիչին:

Ժելկո Կոմշիչի հետ տեղի ունեցած առանձնազրույցի ընթացքում տեսակետներ փոխանակվեցին քաղաքական երկխոսության խորացման, երկկողմ հարաբերությունների աշխուժացման ուղիների վերաբերյալ: Երկուստեք կարևորվեց երկկողմ համագործակցության զարգացման հեռանկարային ուղղությունների նախանշումը, իրավապայմանագրային դաշտի ձևավորման անհրաժեշտությունը: Առաջնահերթ համարվեց բարձր մակարդակի երկկողմ շփումների աշխուժացումը, ինչպես նաև տեղական ինքնակառավարման մարմինների և միջխորհրդարանական կապերի խթանումը: Զրույցն անցավ բարեկամական ջերմ մթնոլորտում:

ՀՀ դեսպանը Բոսնիա և Հերցեգովինայի նախագահության նախագահին փոխանցեց ՀՀ Նախագահ Սերժ Սարգսյանի ջերմ ողջույնները, ինչին ի պատասխան Ժելկո Կոմշիչը խնդրեց իր բարեմաղթանքները հաղորդել Հայաստանի իր գործընկերոջը և հայ ժողովրդին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր