Աթենքի Versus տուրիստական գործակալությունում տեղի ունեցավ Հայաստանին նվիրված միջոցառում

05 մարտի, 2014

2014թ. մարտի 5-ին Աթենքի Versus տուրիստական գործակալությունում տեղի ունեցավ Հայաստանին նվիրված միջոցառում: Միջոցառմանը, ողջունելով հյուրերին, Հայաստանի, նրա պատմամշակութային ժառանգության, տեսարժան վայրերի, ինչպես նաևզբոսաշրջիկների համար հետաքրքրություն ներկայացնող թեմաների վերաբերյալ ելույթ ունեցավ Հունաստանում Հայաստանի Հանրապետության դեսպանության երրորդ քարտուղար Մարիամ Հարությունյանը, ցուցադրվեց տեսահոլովակ Հայաստանի վերաբերյալ: Տուրիստական գործակալության տնօրեն Վանգելիս Խաձիմիխասը ներկայացրեց դեպի Հայաստան և Լեռնային Ղարաբաղ շրջագայություններ կազմակերպելու իրենց ծրագրերի մասին:

Հայաստանին նվիրված տեսահոլովակի ցուցադրումին հաջորդեց հայկական ավանդական պար և հյուրասիրություն հայկական խոհանոցի ուտեստներով և խմիչքով:

Միջոցառմանը ներկա էին հույն հասարակության, հունահայ համայնքի ներկայացուցիչներ, Versus տուրիստական գործակալության ակումբի անդամներ, լրագրողներ, դեսպանության աշխատակիցներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր