Զավեն Սարգսյանի լուսանկարների ցուցահանդես Աթենքում

17 մարտի, 2014

2014թ. մարտի 14-ին Հունաստանի մայրաքաղաք Աթենքում տեղի ունեցավ հայտնի լուսանկարիչ, Սերգեյ Փարաջանովի թանգարանի տնօրեն Զավեն Սարգսյանի լուսանկարների ցուցահանդեսի հանդիսավոր բացումը: Աթենքի քաղաքապետարանի “Մելինա Մերքուրի” մշակութային կենտրոնի դահլիճում անցկացող ցուցահանդեսը կրում է «Հայկական ճարտարապետությանը» խորագիրը:

Ցուցադրության կազմակերպիչներն են Հունաստանում Հայաստանի Հանրապետության դեսպանությունը և Աթենքի քաղաքապետարանը: Այն տևելու է մինչև 2014թ. մարտի 27-ը:

Բազմամարդ հանդիսությանը ներկա էին երկրում հավատարմագրված դիվանագիտական ներկայացուցչությունների, Հունաստանի խորհրդարանի, արտաքին գործերի նախարարության, մշակութային ու հասարակական կազմակերպությունների, գիտության, մշակույթի և արվեստի, հունահայ համայնքի ու համայնքային կազմակերպությունների ներկայացուցիչներ, գործարարներ, լրագրողներ:

Ողջույնի խոսքով հանդես եկան Հունաստանում ՀՀ դեսպան Գ. Ղալաչյանը և Աթենքի քաղաքապետարանի մշակույթի, սպորտի և երիտասարդության միության նախագահ, փոխքաղաքապետ Ն. Պապախելան: Ելույթով ներկաներին դիմեց հեղինակը` Զավեն Սարգսյանը:

Ավարտին կազմակերպվեց հյուրասիրություն, այցելուները համտեսեցին հայակական գինիներ:

Միջոցառումը լայն արձագանք գտավ հունական ԶԼՄ-ներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր