ՀՀ դեսպանի հանդիպումը Հունաստանի ազգային պաշտպանության նախարարի հետ

06 ապրիլի, 2015

2015թ. ապրիլի 6-ին Հունաստանում ՀՀ դեսպան Գագիկ Ղալաչյանը հանդիպում ունեցավ Հունաստանի ազգային պաշտպանության նախարար Պանոս Կամմենոսի հետ:

Հանդիպման ընթացքում կողմերը քննարկեցին Հայաստանի և Հունաստանի միջև հարաբերությունները, որոնց ներկայիս մակարդակը երկուստեք արժանացավ բարձր գնահատանքի:

Քննարկվեցին երկու երկրների ռազմական գերատեսչությունների միջև առկա համագործակցության հետագա զարգացման հեռանկարները: Կողմերը գոհունակությամբ արձանագրեցին, որ Հայաստանի և Հունաստանի համագործակցությունը հաջողությամբ զարգացել է ռազմական կրթության, սպայակազմի վերապատրաստության, խաղաղապահության, ռազմական արդյունաբերության, ռազմատեխնիկական և այլ բնագավառներում:

Ջերմ, բարեկամական մթնոլորտում անցած հանդիպմանն անդրադարձ կատարվեց Հայաստանի և Հունաստանի ռազմական գերատեսչությունների միջև համագործակցության առաջիկա ծրագրերին, այդ թվում նաև առաջիկայում Պ. Կամմենոսի` Երևան նախատեսվող այցելությանը:

Հանդիպմանը մասնակցեց Հունաստանում ՀՀ դեսպանության ռազմական կցորդ, գնդապետ Ս. Ռամազյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր