ՀՀ դեսպանի հանդիպում Հունաստանի խորհրդարանի նախարարի հետ

16 ապրիլի, 2015

Ապրիլի 15-ին Հունաստանում Հայաստանի Հանրապետության դեսպան Գագիկ Ղալաչյանը հանդիպում ունեցավ Հունաստանի խորհրդարանի նախագահ Զոի Կոնստադոպուլուի հետ:
Հանդիպման ընթացքում կողմերը քննարկեցին հայ-հունական երկկողմ հարաբերությունները, որոնց ներկայիս մակարդակը երկուստեք արժանացավ բարձր գնահատանքի:

Անդրադարձ կատարվեց երկու երկրների քաղաքական, տնտեսական, ռազմական, միջխորհրդարանական, մասնավորապես` միջազգային խորհրդարանական կազմակերպություններում Հայաստանի և Հունաստանի պատվիրակությունների համագործակցությունը:

Հունաստանի խորհրդարանի նախագահը հաստատեց, որ ՀՀ Նախագահի հրավերով կայցելի Հայաստան` Հայոց Ցեղասպանութան 100-ամյակի միջոցառումներին Հունաստանը ներկայացնելու նպատակով:

Հանդիպման ավարտին Զոի Կոնստադոպուլուն վերահաստատեց ՀՀ Ազգային Ժողովի հետ ավանդական ջերմ հարաբերությունները շարունակելու և էլ ավելի զարգացնելու իր պատրաստակամությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր