Դեսպան Տիգրան Մկրտչյանի հայտարարությունը Պոնտոսի և փոքր Ասիայի հույների ցեղասպանության հիշատակի օրվա կապակցությամբ

19 մայիսի, 2023

«Այսօր՝ մայիսի 19-ին, ոգեկոչում ենք 20-րդ դարի մարդկության պատմության ամենաողբերգական ու ամոթալի էջերից մեկը՝ Օսմանյան կայսրությունում ցեղասպանության զոհ դարձած Պոնտոսի և փոքրասիական հույների հիշատակի օրը:

Երիտթուրքերի կառավարության կողմից ծրագրված այս ոճրագործությունը, որը Հայոց ցեղասպանության շարունակությունն էր, հանցագործների անպատժելիության ուղիղ հետևանք էր:

Մարդկության դեմ ուղղված նման հանցանքների կանխարգելման միակ ուղին զոհերի հիշատակը կենդանի պահելով հանդերձ Ցեղասպանության ճանաչումն ու դատապարտումն է:

Հայաստանի Հանրապետության Ազգային Ժողովը 2015թ. մարտի 24-ին միաձայն ընդունել է Օսմանյան Կայսրությունում Պոնտոսի հույների ու ասորիների ցեղասպանությունը դատապարտող հայտարարություն՝ վճռական ո´չ ասելով թուրքական ժխտողականությանը և ցեղասպանությանը և վճռական այո՝ այդ ցեղասպանության միջազգային ճանաչմանը և դատապարտմանը:

Հայոց ցեղասպանության, Պոնտոսի հույների ու ասորիների ցեղասպանության միջազգային հանրության կողմից ճանաչման պայքարի վերջնական նպատակն է արդարության վերականգնումը, ինչպես նաև նմանատիպ հանցագործությունների կանխարգելումը»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր