Նոյեմբերի 30-ին Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի օրենսդիր մարմնում և Եվրոպական խորհրդարանում ներկայացված «Հունական լուծում» կուսակցության ղեկավար Կիրիակոս Վելոպուլոսի հետ

30 նոյեմբերի, 2023

Նոյեմբերի 30-ին Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի օրենսդիր մարմնում և Եվրոպական խորհրդարանում ներկայացված «Հունական լուծում» կուսակցության ղեկավար Կիրիակոս Վելոպուլոսի հետ։

ՀՀ դեսպանը վստահություն է հայտնել, որ առաջիկայում ձևավորվելիք Հունաստան–Հայաստան խորհրդարանական բարեկամական խումբը կդառնա երկու խորհդարանների միջև բազմակողմանի համագործակցությունն ամրապնդող կամուրջ։

Դեսպանը զրուցակցին է ներկայացրել Լեռնային Ղարաբաղի շուրջ ստեղծված իրավիճակը, բռնի տեղահանվածների խնդիրները և միջազգային ատյաններում նրանց իրավունքների բարձրացման անհրաժեշտությունը, Լեռնային Ղարաբաղում հայկական մշակութային ժառանգության պահպանմանն առնչվող հարցերը, ռազմագերիների և մյուս գերեվարված անձանց օր առաջ ազատ արձակման անհրաժեշտությունը, Հայաստան-Ադրբեջան հարաբերությունների կարգավորման գործընթացը և դրան խոչընդոտող հանգամանքները։

Այդ համատեքստում դեսպան Մկրտչյանը իր երախտիքի խոսքն է արտահայտել Կիրակոս Վելոպուլոսին առ այն, որ իր քաղաքական ուժը մշտապես բարձրաձայնել և նախաձեռնություններով է հանդես եկել Հայաստանին, Լեռնային Ղարաբաղին և հայությանը հուզող խնդիրների վերաբերյալ ինչպես Հունաստանի օրենսդիր մարմնում, այնպես էլ Եվրոպական խորհրդարանում։

Հույն խորհրդարանականը վերահաստատել է իր կուսակցության լիակատար աջակցությունը Հայաստանին և հայ ժողովրդին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր