Ամանորի և Սուրբ Ծննդյան տոների կապակցությամբ Աթենքի հայկական դպրոցների սաների այցելությունները ՀՀ դեսպանություն

26 հունվարի, 2024

Եզրափակելով Ամանորի և Սուրբ Ծննդյան տոների կապակցությամբ Աթենքի հայկական դպրոցների սաների այցելությունները ՀՀ դեսպանություն, նախորդ շաբաթ և այսօր երկու այցելություններով հյուրընկալվեցին Աթենքի «Զավարյան» վարժարանի 1-6-րդ դասարանների աշակերտները։

Հունաստանում ՀՀ արտակարգ և լիազոր դեսպան Տիգրան Մկրտչյանը ողջույնի խոսքեր հղեց փոքրիկներին և նրանց մաղթեց ուսման մեջ հաջողություններ և նորանոր ձեռքբերումներ։ Դեսպանը նշեց, որ ՀՀ դեսպանություն դպրոցականների ամանորյա այցելությունները պետք է ավանդույթ դառնան։ Միաժամանակ նա հավելեց, որ դեսպանությունը ուրախ կլինի դպրոցների հետ տարաբնույթ միջոցառումներ իրականացնել։

Դպրոցականները հանդես եկան մշակութային ծրագրով։

Միջոցառման ավարտին դպրոցականները և ուսուցչական կազմը դեսպանության կողմից ստացան ամանորյա նվերներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր