Enterprise Greece և Ներդրումների աջակցության կենտրոն հիմնադրամերի միջև ստորագրվել է համագործակցության հուշագիր, որը կարևոր քայլ է Հայաստանի և Հունաստանի գործարար կապերը խթանելու ուղղությամբ

27 փետրվարի, 2024

ՀՀ վարչապետ պ.Նիկոլ Փաշինյանի Հունաստան կատարած աշխատանքային այցի ընթացքում փետրվարի 27-ին Enterprise Greece և Ներդրումների աջակցության կենտրոն հիմնադրամերի միջև ստորագրվել է համագործակցության հուշագիր, որը կարևոր քայլ է Հայաստանի և Հունաստանի գործարար կապերը խթանելու ուղղությամբ։

Համագործակցության հուշագիրը ստորագրել են Էնթերփրայզ Հունաստանի գործադիր տնօրեն Մարինոս Յանոպուլոսը և ՆԱԿ հիմնադրամի գլխավոր տնօրեն պարոն Լևոն Օհանեսյանը: Երկկողմ դիվանագիտական առանց այն էլ ամուր կապերի առկայության պայմաններում, ակնկալվում է, որ արձանագրությունն է'լ ավելի կամրապնդի երկու երկրների առևտրային հարաբերությունները և կխթանի երկու գործարար համայնքների միջև համագործակցությունը:

Հունաստանը և Հայաստանը առևտրատնտեսական կամուրջներ են կառուցում, գործընկերություններ են հաստատում և միասին ստեղծում հնարավորություններ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր