Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպեց Աթենքում գործող Միջազգային հարաբերությունների ինստիտուտի (IDIS) գործադիր տնօրեն Ինո Աֆենտուլիի հետ

23 ապրիլի, 2024

Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպեց Աթենքում գործող Միջազգային հարաբերությունների ինստիտուտի (IDIS) գործադիր տնօրեն Ինո Աֆենտուլիի հետ։

Հանդիպման ընթացքում դեսպան Մկրտչյանը ներկայացրեց ՀՀ դեսպանության գործունեության հիմնական ուղղությունները, քաղաքական ակտիվ երկխոսության ընթացքը, կրթական, մշակութային ոլորտներում իրականացվող միջոցառումները, հայ-հունական հարաբերությունների ներկա բարձր մակարդակը։ Դեսպան Մկրտչյանն ընգծեց կրթական ոլորտում համագործակցության կարևորությունը՝ որպես հայ-հունական երկկողմ հարաբերությունների զարգացման ներուժով օժտված բնագավառ։

Հանդիպմանն արծարծվեցին նաև երկու երկրների գիտակրթական հաստատությունների հետագա փոխգործակցության ու համատեղ ծրագրերին առնչվող հարցեր։

Հարկ է նշել, որ տկն Աֆենտուլին ունի միջազգային հարաբերությունների, եվրոպական և արտաքին քաղաքականության, հանրային դիվանագիտության և ռազմավարական հաղորդակցության երկարամյա փորձ։ Նա երկու տասնամյակ (2002-2022թթ.) ծառայել է որպես ՆԱՏՕ-ի Հանրային դիվանագիտության տնօրինության ծրագրի ղեկավար՝ կազմակերպության կենտրոնակայան Բրյուսելում:

Այդ պաշտոնում նա պատասխանատու էր Ատլանտյան դաշինքի հարավային թևի անդամ երկրներում (Հունաստան, Ֆրանսիա, Իտալիա, Իսպանիա, Պորտուգալիա) և Կովկասի ու Կենտրոնական Ասիայի գործընկեր երկրներում հաղորդակցական քաղաքականության պլանավորման և իրականացման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր