Մայիսի 23-ին ՀՀ արտակարգ և լիազոր դեսպան Տիգրան Մկրտչյանը հյուրընկալեց Պելոպոնեսի համալսարանի ռեկտոր պրոֆեսոր Աթանասիոս Կացիսին։

23 մայիսի, 2024

Հանդիպման ընթացքում քննարկվեցին հայաստանյան ԲՈՒՀ-երի հետ հունական համալսարանի համագործակցության հեռանկարներն ինչպես բակալավրի և մագիստրական ծրագրերի, այնպես էլ կարճաժամկետ կրթական ծրագրերի շրջանակում։ Դիտարկվեցին համատեղ գիտաժողովներ և պրոֆեսորադասախոսական կազմի փոխայցեր կազմակերպելու հնարավորությունները։

Պրոֆեսոր Կացիսն ընդգծեց համալսարանի գործունեությունը տեխնոլոգիական, համակարգչային գիտությունների և մի շարք այլ առաջատար ոլորտներում։ Իր հերթին ՀՀ դեսպանը ներկայացրեց ՀՀ կրթական ոլորտի հնարավորությունները, այդ թվում՝ արևելագիտության ոլորտում ավանդույթները, ինչը կարող է հետաքրքրություն ներկայացնել հույն ուսանողների համար։ Զրուցակիցները քննարկեցին նաև քաղաքագիտության և միջազգային հարաբերությունների, պատմագիտության և մի շարք այլ ոլորտներում ոլորտում ԲՈՒՀ-ական համագործակցության հեռանկարները, համատեղ ծրագրեր մշակելու հնարավորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր