Կիպրոսում Հայաստանի Հանրապետության արտակարգ և լիազոր դեսպան Տիգրան Մկրտչյանը Նիկոսիայի համալսարանի եվրոպական և միջազգային հարաբերությունների կիպրական կենտրոնում հանդես եկավ դասախոսությամբ՝ “Հայաստանի արտաքին քաղաքականության մարտահրավերները” թեմայով:

19 հունիսի, 2024

Կիպրոսում Հայաստանի Հանրապետության արտակարգ և լիազոր դեսպան Տիգրան Մկրտչյանը (նստավայրը` Աթենք) Նիկոսիայի համալսարանի եվրոպական և միջազգային հարաբերությունների կիպրական կենտրոնում հանդես եկավ դասախոսությամբ՝ “Հայաստանի արտաքին քաղաքականության մարտահրավերները” թեմայով:

Հանդիպումը նախագահում էր Նիկոսիայի համալսարանի քաղաքագիտության և կառավարման ֆակուլտետի դեկան և կենտրոնի ղեկավար, պրոֆեսոր Անդրեաս Թեոֆանուսը։

Դասախոսությանը ներկա էին Կիպրոսում հավատարմագրված դիվանագետներ, ֆակուլտետի դասախոսներ, ուսանողներ, գիտահետազոտական կենտրոնի վերլուծաբաններ, կիպրահայ համայնքի ներկայացուցիչներ:

Դասախոսության ընթացքում դեսպան Մկրտչյանը ներկայացրեց Հայաստանի արտաքին քաղաքականության հիմնական ուղղությունները։ Անդրադարձ կատարվեց Հվ․ Կովկասի տարածաշրջանի պետությունների հետ Հայաստանի հարաբերություններին և առկա խնդիրներին, շահերի բախումներին և համագործակցության հնարավորություններին:

Դեսպանը խոսեց Հայաստան-ԵՄ խորացող համագործակցության, ներկայացվեց ԵՄ հետ հարաբերություններում գրանցվող առաջընթացը։ Դեսպանը խոսեց նաև Կիպրոսի հետ երկկողմ բարեկամական կապերի կարևորության մասին։

Դասախոսությանը հետևեցին ունկնդիրների հարցերը, որոնք վերաբերում էին ինչպես անվտանգային, այնպես էլ ապագային միտված քաղաքականության հիմնախնդիրներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր