Հայաստանի Հանրապետության արտակարգ եւ լիազոր դեսպան Տիգրան Մկրտչյանը Կիպրոս կատարած աշխատանքային այցի շրջանակներում հյուրընկալվել է Կիպրոսի համալսարանի ռեկտոր, պրոֆեսոր պարոն Տասոս Խրիստոֆիդիսի կողմից:

19 հունիսի, 2024

Ողջունելով դեսպանին Կիպրոսի համալսարանում պարոն Խրիստոֆիդիսը

անդրադարձավ ԵՊՀ հետ փոխըմբռնման հուշագրին, որը կնքվել է 2020թ.-ին և նախատեսված է մինչև 2025թ. համագործակցության համար, ինչպե նաև նշեց Հայաստանի Ամերիկյան Համալսարանի հետ համագործակցության հուշագրի մասին։

Մանրամասնելով Կիպրոսի համալսարանում առկա ծրագրերի մասին՝ պարոն Խրիստոֆիդիսը նշեց, որ մագիստրոսական և դոկտորական մակարդակներում ծրագրերի մեծ մասը նաև անգլերեն են, ինչը հնարավորություն է տալիս օտարերկրյա ուսանողներին իրականացնելու շարունակական կրթությունը Կիպրոսի համալսարանում՝ ստանալով նաև կրթաթոշակներ։

Դեսպան Մկրտչյանը նշեց, որ համագործակցությունը խթանելու նպատակով ցանկալի է իրականացնել գործնական քայլեր, մասնավորապես անցկացնելով համատեղ հետազոտություններ, մշակել գիտական առաջարկներ ու ծրագրեր։ Ռեկտոր Խրիստոֆիդիսը ողջունեց նշված գաղափարները, և կողմերը պայմանավորվեցին առաջիկայում տեսակապի միջոցով հանդիպում կազմակերպել հայ գործընկերների հետ:

Հանդիպմանը մասնակցում էր Կիպրոսի ներկայացուցիչների պալատում հայ համայնքի ներկայացուցիչ Վարդգես Մահդեսյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր