Հուլիսի 12-ին Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպեց "Հույն-կիպրական կազմակերպությունների ֆեդերացիայի" նախագահ Գեորգիոս Սիլլուրիսին

12 հուլիսի, 2024

Դեսպան Մկրտչյանը բարձր գնահատեց հայ-կիպրական հարաբերությունները և հայերի դերը Կիպրոսի հասարակական, քաղաքական ու մշակութային կյանքում և կարևորեց նաև Կիպրոսից դուրս նման հանդիպումները՝ երկկողմ համագործակցությունը խթանելու համատեքստում։ Դեսպանն անդրադարձավ Կիպրոս կատարած իր վերջին այցին և հանդիպումներին։

Դեսպանը նաև շեշտեց Հայաստանի դիրքորոշումը Կիպրոսի խնդրի վերաբերյալ և ընդգծեց երկկողմ ու բազմակողմ ձևաչափերում Հայաստանի պատրաստակամությունը մշտապես աջակցելու Կիպրոսին, հավելելով և երախտապարտություն արտահայտելով այն բանի համար, որ Կիպրոսն իր հերթին է Հայաստանին աներկբայորեն զորավիգ լինում միջազգային հարթակներում։

Գեորգիոս Սիլլուրիսը, նշեց, որ իրենց կազմակերպությունը ողջ աշխարհում ունի ավելի քան 30 ներկայացուցչություն և պատրաստակամություն հայտնեց անհրաժեշտության դեպքում աջակցելու և համագործակցելու հայկական կառույցներին, մասնավորապես նշելով համատեղ միջոցառումների կազմակերպման հնարավորությունները։

Կողմերը քննարկեցին Հայաստանում, տարածաշրջանում, Կիպրոսում վերջին զարգացումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր