Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի առևտրի պալատների միության նախագահ, Սալոնիկի առևտրի և արդյունաբերության պալատի նախագահ, Չեյն սուպերմարկետների ցանցի սեփականատեր Յաննիս Մասուտիսի հետ։

17 հուլիսի, 2024

Զրուցակիցներն անդրադարձել են երկկողմ տնտեսական հարաբերությունների զարգացման հնարավորություններին, մասնավորապես հեռանկարային այնպիսի ոլորտներում, ինչպիսին են զբոսաշրջությունը, վերականգնվող էներգետիկան, բարձր տեխնոլոգիաները, թեթև արդյունաբերությունը, շինարարությունը և այլն։

Հանդիպմանը դեսպան Մկրտչյանը նաև ներկայացրել է Հայաստանի՝ որպես տարանցիկ երկրի կարևորությունը, անդրադարձ կատարելով Խաղաղության խաչմերուկ հայեցակարգի իրականացման հնարավորություններին:

Հանդիպմանը մասնակցել են Սալոնիկի առևտրի և արդյունաբերության պալատի առաջին փոխնախագահ Էմանուիլ Վլախոյանիսը և Սալոնիկում ՀՀ պատվո հյուպատոս Ակիս Դագազյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր