Հուլիսի 18-ին Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպեց Սալոնիկի նավահանգստի գլխավոր ֆինանսական պատասխանատու Սպիրոս Ստամուի հետ։

18 հուլիսի, 2024

Հանդիպմանը Սպիրոս Ստամուին դեսպան Մրտչյանին մանրամասն ներկայացրեց Սալոնիկի նավահանգստի վերջին ժամանակաշրջանում արձանագրած հաջողությունները, նավահանգստի ընդարձակվող ներուժը։ Նշվեց բալկանյան և հարավ-արևելյան եվրոպական տարածաշրջանում նավահանգստի կարևորագույն դերակատարության մասին և որ առկա է արդյունավետ փախադրման ցանց Սալոնիկից մինչև հյուսիսային Եվրոպա: Նա նշեց, որ ԵՄ կողմից այն ներառվել է տաս ռազմավարական նավահանգիստների ցուցակում։

Դեսպան Տիգրան Մկրտչյանը առաջարկեց առաջիկա առիթի դեպքում միջնորդել հայ տնտեսվարողների և Սալոնիկի նավահանգստի միջև հնարավոր համագործակցության հաստատման հարցում և հրավիրեց նավահանգստի ղեկավարությանը այցելել Հայաստան՝ տեղում ծանոթանալու համագործակցության հեռանկարներին։

Հանդիպմանը քննարկվեց նաև ՀՀ կառավարության Խաղաղության խաչմերուկի գաղափարը, ինչպես նաև Գյումրին որպես "չոր նավահանգիստ" կառուցելու նախագիծը։

Հանդիպմանը մասնակցում էր Սալոնիկում ՀՀ պատվո հյուպատոս Ակիս Դագազյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր