Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի առողջապահության նախարար Ադոնիս Գեորգիադիսի հետ

16 սեպտեմբերի, 2024

Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի առողջապահության նախարար Ադոնիս Գեորգիադիսի հետ։ Դեսպան Մկրտչյանը շնորհակալություն հայտնեց պրն․ Գեորգիադիսին ընդունելության համար և կարևորեց նման հանդիպումները՝ երկկողմ համագործակցությունը խթանելու համատեքստում:

Պրն․ Գեորգիադիսն, իր հերթին, ողջունելով ՀՀ դեսպանին ընդգծեց բարեկամ Հայաստանի հետ երկկողմ բազմոլորտ համագործակցությունը շարունակաբար զարգացնելու հունական կողմի պատրաստակամությունը:

Կողմերը քննարկեցին վերականգնողական բժշկության ոլորտում համատեղ ծրագրեր իրականացնելու հնարավորությունը, արցախահայերի սոցիալական, առողջապահական և այլ կարիքների հետ կապված մարտահրավերները, շեշտադրվեց երկկողմ այցերի, փորձի փոխանակման ծրագրերի կարևորությունը ոլորտային համագործակցության խթանման նպատակով։

Դեսպանը փոխանցեց հայկական կողմի պատրաստակամությունը Ադոնիս Գիորգիադիսին Հայաստանում ընդունելու վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր