Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հյուրընկալվել է Հունաստանի` մեծությամբ երրորդ քաղաքի՝ Պատրասի համալսարանում

21 նոյեմբերի, 2024

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հյուրընկալվել է Հունաստանի՝ մեծությամբ երրորդ քաղաքի՝ Պատրասի համալսարանում:

Դեսպան Մկրտչյանը շնորհակալություն հայտնեց հյուրընկալության համար, կարևորեց մի շարք ոլորտներում Հունաստանի գիտական փորձը և մասնավորապես ընդգծեց Պատրասի համալսարանի գիտակրթական և ուսումնամեթոդական բարձր մակարդակը:

Համալսարանի ռեկտոր, պրոֆեսոր Խրիստոս Բուրասը շնորհակալություն հայտնեց այցելության համար, ներկայացրեց համալսարանի գործունեության ուղղությունները, առանձնահատկությունները և գիտահետազոտական հաջողությունները: Ռեկտոր Բուրասը պատրաստակամություն հայտնեց ընդլայնելու Հայաստանի համալսարանների հետ համագործակցությունը մի շարք ոլորտներում, որը կարող է ամրապնդվել հուշագրի ստորագրմամբ:

Կողմերը պայմանավորվեցին քննարկված թեմաների շուրջ գործնական քայլեր ձեռնարկել և դիտարկել հուշագրի մշակման և ստորագրման հնարավոր մոտ ժամկետները:

Հանդիպման ավարտին դեսպան Մկրտչյանը Պատրասի համալսարանի գրադարանին է նվիրել հայկական մշակույթին և հայոց պատմությանը նվիրված գրականություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր