Դեսպան Տիգրան Մկրտչյանի հանդիպումը Ուղղափառության միջխորհրդարանական վեհաժողովի գլխավոր քարտուղար՝ Հունաստանի խորհրդարանի անդամ ՝ Մաքսիմոս Խարակոպուլուսի հետ

26 նոյեմբերի, 2024

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Ուղղափառության միջխորհրդարանական վեհաժողովի գլխավոր քարտուղար՝ Հունաստանի խորհրդարանի անդամ՝ Մաքսիմոս Խարակոպուլուսիին։

Հույն խորհրդարանականը շնորհակալություն հայտնեց ուղղափառ խորհրդարանականների միջխորհրդարանական կառույցում Հայաստանի խորհրդարանական պատվիրակության երկարամյա և ակտիվ մասնակցության համար և վստահություն հայտնեց, որ այս համագործակցությունը կշարունակի լինել բովանդակալից և արդյունավետ՝ հանուն խաղաղության և ընդհանուր քրիստոնեական արժեքների պահպանման:

Դեսպան Մկրտչյանը՝ անդրադառնալով Ուղղափառության միջխորհրդարանական վեհաժողովի գործունեությանը, ընդգծեց վերջինիս կողմից քրիստոնեական հուշարձանների պահպանության՝ դրանց ինքնության աղավաղման կամ ոչնչացման վերաբերյալ միջազգային իրազեկվածության բարձրացման կարևորությունը։

Կողմերը պայմանավորվեցին համագործակցել գալիք տարվա սկզբին Երևանում կազմակերպվող պատվիրակության այցի նախապատրաստման ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր