Դեսպան Տիգրան Մկրտչյանի հանդիպումը Հունաստանի ԱԳՆ Հունական սփյուռքի և հանրային դիվանագիտության հարցերով գլխավոր քարտուղար Միրա Միրոյաննիի հետ

22 հունվարի, 2025

Հունվարի 22-ին Հունաստանում Հայաստանի Հանրապետության արտակարգ եւ լիազոր դեսպան Տիգրան Մկրտչյանը հանդիպել է Հունաստանի ԱԳՆ Հունական սփյուռքի և հանրային դիվանագիտության հարցերով գլխավոր քարտուղար Միրա Միրոյաննիի հետ:

Տիկին Միրոյիաննին ջերմ հիշողություններով է կիսվել Համաշխարհային հայկական գագաթնաժողովի շրջանակներում սեպտեմբերին Երևան կատարած իր այցի մասին: Կողմերը կարծիքներ են փոխանակել ընդհանուր հետաքրքրություն ներկայացնող մի շարք հարցերի շուրջ: Քննարկվել են նաև մշակույթի և կրթության ոլորտում համագործակցության նոր ուղիները։ Անդրադարձ է կատարվել հունական և հայկական համալսարանների և գիտական հաստատությունների միջև ակադեմիական կապերը զարգացնելու, Հունաստանում հայերեն լեզվի, իսկ Հայաստանում` հունարեն լեզվի խթանմանն ուղղված նախաձեռնություններին:

Դեսպան Մկրտչյանը ներկայացրել է վերոնշյալ հարցերի ուղղությամբ իրականացված քայլերը՝ մասնավորապես ընդգծելով` դեսպանության աջակցությամբ Երևանի պետական համալսարանում հունագիտության գիտաուսումնական կենտրոնի վերաբացման և Հունաստանի՝ Թրակիայի Դիմոկրիտի համալսարանում հայագիտության կենտրոն հիմնելու նախաձեռնությունները:

Կողմերը պայմանավորվեցին երկկողմ և եռակողմ՝ Հայաստան-Հունաստան-Կիպրոս համագործակցության շուրջ համատեղ ծրագրերի մշակման և իրագործման աշխատանքերը շարունակելու վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր