Դեսպան Տիգրան Մկրտչյանի հանդիպումը Հունաստան–Հայաստան բարեկամության խմբի ղեկավար Ստավրոս Կալաֆատիսի հետ

27 փետրվարի, 2025

Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի խորհրդարանի Հունաստան-Հայաստան բարեկամության խմբի նախագահ, կառավարող "Նոր ժողովրդավարություն" խմբակցության գլխավոր քարտուղար Ստավրոս Կալաֆատիսին:

ՀՀ դեսպանը խորհրդարանականին է ներկայացրել տարածաշրջանային զարգացումները, Ադրբեջանի հետ խաղաղության պայմանագրի շուրջ ընթացող բանակցությունները, դրանցում առկա մարտահրավերները։

Անդրադարձ է կատարվել Հայաստան-ԵՄ գործընկերությանը, ներկայիս դինամիկային, ինչպես նաև Հայաստան-Հունաստան երկկողմ հարաբերություններում մի շարք ոլորտներում ընթացիկ գործընթացներին և նախատեսվող այցերին։ Ընդգծվել է երկկողմ հարաբերությունների բարձր մակարդակը, որը շարունակաբար նորանոր ոլորտներ է ներառում։

Երկուստեք կարևորվել է միջխորհրդարանական շփումներն ակտիվացնելու ու փոխադարձ այցերի իրականացման կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր