Դեսպան Տիգրան Մկրտչյանի հանդիպումը Պիրեուսի համալսարանի ներկայացուցիչների հետ՝

07 մարտի, 2025

Մարտի 7-ին Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը դեսպանությունում ընդունեց Պիրեուսի համալսարանի զբոսաշրջության զարգացման բաժանմունքի ղեկավար, նույն համալսարանի նախկին ռեկտոր Անգելոս Կոտիոսին, պրոֆեսոր Սոտիրիոս Վարելասին և համալսարանի միջազգային կապերի պատասխանատու դոկտոր Խրիստինա Կոնդողոլիդուին։

Հանդիպմանը քննարկվեցին Պիրեուսի համալսարանի և հայաստանյան մի շարք բարձրագույն ուսումնական հաստատությունների միջև առկա համագործակցության մակարդակը, այդ համագործակցության շրջանակները ընդլայնելու հեռանկարները։ Դեսպան Մկրտչյանն ընդգծեց, որ Հայաստանը զբոսաշրջությունը համարում է երկրի զարգացման կարևորագույն ուղղություններից մեկը, և այդ համատեքստում զբոսաշրջային կրթությունն ունի իր ուրույն տեղը։ Հետևաբար Պիրեուսի համալսարանի, որպես այդ ուղղությամբ առաջատար ԲՈՒՀ-ի, հետ համագործակցությունը կարող է լուրջ հեռանկարներ ապահովել։

Պրոֆեսոր Կոտիոսը ողջունեց հանդիպման նախաձեռնությունը և հավելեց, որ համագործակցությունը կարելի է զարգացնել ոչ միայն երկկողմ մակարդակով, ներառելով Հայաստանում գործող զբոսաշրջային կրթական հաստատություններից մեկը, ինչպիսին է Երևանի զբոսաշրջության, սպասարկման և սննդի արդյունաբերության հայ-հունական պետական քոլեջը և այլ ԲՈՒՀ-եր, այնպես էլ եռակողմ ձևաչափով, դրանում ներառելով կիպրական հաստատություններից մեկին։

Կողմերը պայմանավորվեցին առաջիկայում ընթացք տալ վերոնշյալ համագործակցությանը։

Հանդիպմանը մասնակցեցին նաև Հունաստանում Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի ներկայացուցիչեր Թերեզա Շահնազարյանը և Կարեն Ենոքյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր