Դեսպան Մկրտչյանը այցելել է Աթենքի Միջազգային մետրոպոլիտեն դպրոց

21 հոկտեմբերի, 2025

Աթենքում 1922 թ. հիմնված Միջազգային մետրոպոլիտեն դպրոց ( International Metropolitan School (IMS))‑ի ղեկավարության հրավերով այդ դպրոց է այցելել Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը։

Դեսպանը դպրոցի ղեկավար և կառավարման խորհրդի անդամ Կոնստանտինա Վալսամիդուի և դպրոցի գրադանավար Իոաննա Քսենակիի ուղեկցությամբ շրջայց է կատարել 2022 թ. Ալիմոս թաղամասում բացված միջնակարգ դպրոցի նոր մասնաշենքում, ծանոթացել դպրոցի պայմաններին, շփվել ուսուցիչների և աշակերտների հետ։

Այցի ընթացքում դեսպան Մկրտչյանը դպրոցին նվիրել է Հայաստանի մշակույթին և պատմությանը վերաբերող գրականություն` հրատարակված անգլերեն, հունարեն և հայերեն լեզուներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր