Դեսպան Տիգրան Մկրտչյանի մասնակցությունը «Դուրղութին հիշում է Շրջափակումը» հիշատակի միջոցառմանը

05 հոկտեմբերի, 2026

Հունաստանում ՀՀ արտակարգ և լիազոր դեսպան Տիգրան Մկրտչյանը մասնակցեց Աթենքի Դուրղութի պատմական թաղամասում անցկացվող ամենամյա «Դուրղութին հիշում է Շրջափակումը» խորագրով հիշատակի միջոցառմանը, որն այս տարի անցկացվեց երկրորդ անգամ։

Միջոցառումը նվիրված էր 1944 թվականի օգոստոսի Դուրղութիում տեղի ունեցած շրջափակման զոհերի, ինչպես նաև նացիստական օկուպացիայի տարիներին հալածանքների, բռնությունների և մահապատիժների ենթարկված մարդկանց հիշատակին, որոնց թվում էին նաև բազմաթիվ հայեր։

Միջոցառումը համատեղ կազմակերպել էին Հունաստանի հայերի միությունը և «Պիղասոս» մարզամշակութային միությունը՝ Աթենքի քաղաքապետարանի աջակցությամբ և հովանու ներքո։
Դեսպան Տիգրան Մկրտչյանը ծաղկեպսակ զետեղեց Դուրղութիի Բլոկի հուշարձանին՝ հարգանքի տուրք մատուցելով զոհերի հիշատակին, ապա հանդես եկավ ելույթով՝ ընդգծելով հայ և հույն ժողովուրդների պատմական բարեկամությունը, ընդհանուր փորձությունների և պայքարի հիշողությունը, ինչպես նաև պատմական հիշողությունը սերունդներին փոխանցելու կարևորությունը։

Միջոցառմանը ներկա էին Հունաստանի պետական և խորհրդարանական կառույցների, տեղական ինքնակառավարման մարմինների, եկեղեցական շրջանակների, քաղաքական ուժերի և հասարակական կազմակերպությունների ներկայացուցիչներ։

Հիշատակի արարողությանը հաջորդեց Դուրղութիի հրապարակում Աթենքի քաղաքապետարանի Հունական երաժշտության արվեստանոցի համերգային ծրագիրը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր