Դեսպան Տ.Մկրտչյանի խոսքը փոքրասիական աղետի 100-ամյա տարելիցին և Հունաստանում հայ համայնքի ստեղծմանը նվիրված միջոցառմանը

04 ապրիլի, 2022

Դեսպան Տիգրան Մկրտչյանի ողջույնի խոսքը փոքրասիական աղետի հարյուրամյա տարելիցին և Հունաստանում հայ համայնքի ստեղծմանը նվիրված Հունաստանում ՀՀ դեսպանության կազմակերպած առաջին միջոցառման բացմանը:

Սիրելի ընկերներ, հարգելի հյուրեր,

Շնորհակալություն, որ Ձեր ներկայությամբ պատվել եք մեզ:

Այսօրվա դասախոսությամբ Հունաստանում ՀՀ դեսպանությունը բացում է փոքրասիական աղետի հարյուրամյա տարելիցին և Հունաստանում հայ համայնքի ստեղծմանը նվիրված միջոցառումների շարքը:

Հայ ժողովուրդն առանձնահատուկ վերաբերմունք ունի 1922 թվականի իրադարձությունների նկատմամբ, քանի որ նա նույնպես փոքրասիական աղետի պատճառով կորցրեց իր փոքր հայրենիքներից մեկը ու ունեցավ հազարավոր զոհեր։ Եվ այսպիսով, այս փաստը կարելի է համարել, որպես մեր պատմության մեջ արձանագրված ընդհանուր ցավ, հույների և հայերի ընդհանուր ողբերգություն: Դասախոսությունն ավելի շատ լույս կսփռի Զմյուռնիայում մեր եղբայրական ժողովուրդների ընդհանուր կյանքի վրա:

Հայ ժողովուրդը երախտապարտ է հույն ժողովրդին, քանի որ 1922 թվականին գրկաբաց ընդունեց հազարավոր հայ փախստականների:

Մեր միջոցառումների շրջանակներում համագործակցություն է ծավալվելու Հունաստանում մեր համայնքային կառույցների և Հայաստանի հաստատությունների միջև` ինչպես օրինակ Հայոց ցեղասպանության թանգարան-ինստիտուտը:

Մեծ շնորհակալությունն ենք հայտնում Աթենքի Ազգային և Կապոդիստրիասի անվան համալսարանի թուրքագիտության ամբիոնի դոցենտ, պարոն Էրվե ժորժելենին, որ ընդունեց մեր հրավերը` լինել դեսպանության կողմից կազմակերպվող միջացառումների շարքում առաջին հյուրը։

Շնորհակալություն եմ հայտնում մեզ հյուրընկալողներին` Աթենքի թերթերի խմբագիրների ընկերակցության նախագահ տիկին Մարիա Անդոնիադույին, ինչպես նաև Աթենքի թերթերի խմբագիրների ընկերակցության կրթական հիմնադրամին:

Շնորհակալ եմ բոլորիցդ: Դասախոսությունից հետո հրավիրում եմ Ձեզ համտեսելու հայկական խմիչքներ և համեղ ուտեստներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր