Դեսպան Տիգրան Մկրտչյանը հանդիպել է Հունաստանի խորհրդարանի իշխող կուսակցության խորհրդարանական գլխավոր ներկայացուցիչ Դիմիտրիս Կերիդիսի հետ

12 սեպտեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի խորհրդարանում իշխող` "Նոր ժողովրդավարություն" կուսակցության խորհրդարանական գլխավոր ներկայացուցիչ Դիմիտրիս Կերիդիսին։

Դեսպանը հույն խորհդարանականին ներկայացրել է օգոստոսին Վաշինգտոնում Հայաստանի և Ադրբեջանի միջև նախաստորագրված խաղաղության պայմանագրի դրույթները, դրա կյանքի կոչվելու հեռանկարները, "Խաղաղության խաչմերուկ" նախաձեռնության նշանակությունը տարածաշրջանային համատեքստում, Հայաստան-Թուրքիա հարաբերություններում զարգացումները։

Միաժամանակ Տիգրան Մկրտչյանը Դիմիտրիս Կերիդիսի հետ քննարկել է Հայաստան-ԵՄ հարաբերությունների աննախադեպ բարձր մակարդակը։

Կողմերը գոհունակությամբ արձանագրել են Հունաստանի հետ Հայաստանի հարաբերությունների դինամիկայի աճը և բովանդակության խորացումը ու բազմազանացումը։ Դեսպանն անդրադարձել է առաջիկայում բարձր մակարդակով երկկողմ այցերին։

Դիմիտրիս Կերիդիսն ընդգծել է նաև խորհրդարանների միջև շփումների ակտիվացման անհրաժեշտությունը և կարևորել այդ ուղղությամբ քայլեր ձեռնարկելու նշանակությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր