Դեսպան Տիգրան Մկրտչյանի հանդիպումը Միխալիս Կակոյանիս հիմնադրամի ներկայացուցիչների հետ

06 նոյեմբերի, 2025

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Միխալիս Կակոյանիս հիմնադրամի նախագահ Քսենիա Կալդարային և հիմնադրամի գեղարվեստական մասի պատասխանատու Ալեքսանդրա Գեորգոպուլուին։

Հայաստանի դեսպանը շնորհակալություն է հայտնել հիմնադրամին Հունաստանում Հայաստանի դեսպանության հետ 2024 թ.-ին "Փարաջանովյան օրեր", ինչպես նաև 2025 թ.-ին աշխարհում առաջին կին դիվանագետներից, Ճապոնիայում 1919-1921 թթ Հայաստանի Հանրապետության դիվանագիտական ներկայացուցիչ Դիանա Աբգարին նվիրված համատեղ միջոցառումներ կազմակերպելու և անցկացնելու համար։

Դեսպանը ներկայացրել է վերջին ժամանակաշրջանում Հայաստանի և Հունաստանի միջև տարբեր մշակութային ուղղություններով ակտիվորեն ծավալված համագործակցությունը։

Կակոյանիս հիմնադրամի ներկայացուցիչները ներկայացրել են իրենց կողմից իրականացվող մի շարք ծրագրեր և առաջարկել դեսպանությանը նոր համատեղ մշակութային բազմաշերտ միջոցառումներ անցկացնելու առաջարկություններ, որոնք դեսպան Մկրտչյանը երախտագիտորեն ողջունել է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր