«Զավարյան» դպրոցի աշակերտների այցը Հունաստանում Հայաստանի Հանրապետության դեսպանություն

13 հունվարի, 2026

Հունվարի 13-ին 2026 թ. Հունաստանում Հայաստանի Հանրապետության դեսպանությունում հյուրընկալվեցին «Զավարյան» դպրոցի Ե և Զ դասարանների աշակերտները, ուսուցչական անձնակազմը և դպրոցի տնօրեն տիկին Հայկանուշ Մինասյանը՝ Աթենքում գործող հայկական ուղղվածությամբ դպրոցների այցերի շարքի շրջանակում։

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը ջերմորեն ողջունեց աշակերտներին՝ մաղթելով հաջողություններ ուսման մեջ, տարվա ընթացքում նորանոր ձեռքբերումներ, միասնականություն, սեր և խաղաղություն։ Դեսպանը հորդորեց երեխաներին հաճախակի այցելել Հայաստան՝ մշտապես պահպանելով կապը հայրենիքի հետ։

«Զավարյան» դպրոցի աշակերտները հանդես եկան Ամանորի և հայկական ավանդական երգերով, ինչպես նաև պարերով։

Միջոցառումը ավարտվեց ջերմ մթնոլորտում, որի ընթացքում աշակերտները ստացան հայկական «Mark Sevouni» արտադրության քաղցրավենիքներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր