Դեսպանությունը հյուրընկալեց Աթենքի Հայկական Կապույտ Խաչի «Ազնիվ և Ժիրայր Ժենազյան» դպրոցի աշակերտներին

28 հունվարի, 2026

Հունաստանում Հայաստանի Հանրապետության դեսպանությունը հյուրընկալեց Աթենքի Հայկական Կապույտ Խաչի «Ազնիվ և Ժիրայր Ճէնազեան» միջնակարգ դպրոցի աշակերտներին՝ ուսուցչական կազմի և դպրոցի տնօրենի ուղեկցությամբ։

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը ողջույնի խոսքով դիմեց դպրոցի աշակերտներին՝ մաղթելով նրանց բազմաթիվ հաջողություններ ուսման մեջ։ Դեսպանը կարևորեց նաև դպրոցի կողմից Հայաստան կազմակերպվող ամենամյա այցելությունները։

Օրվա խորհրդին համահունչ դեսպան Մկրտչյանը շնորհավորեց ՀՀ Զինված ուժերի կազմավորման 34-րդ տարեդարձի առթիվ` հավելելով, որ բանակի դիմակայունության բարձրացումը պետության անվտանգության կարևորագույն բաղադրիչներից մեկն է հանդիսանում։

Ավարտական դասարանների աշակերտներին դեսպանը մաղթեց նորանոր ձեռքբերումներ իրենց ցանկությունն իրականացնելու ճանապարհին՝ ուսումը շարունակելու բարձրագույն ուսումնական հաստատություններում։

Դպրոցի տնօրեն Արշալույս Սափրիչյանը, իր հերթին, շնորհակալություն հայտնեց դեսպանին ջերմ ընդունելության համար և ընդգծեց ավանդույթի վերածված դեսպանություն այցելության կարևորությունը՝ աշակերտների հայրենիքի հետ կապը պահպանելու տեսանկյունից։ Նա նաև դեսպանին տեղեկացրեց դպրոցում ամեն տարի կազմակերպվող ավարտական դասարանի աշակերտների կրթական այցի մասին դեպի Հայաստան։

Դպրոցի աշակերտները ներկայացրեցին հայկական ավանդական պարեր և երգեր։

Միջոցառման ավարտին աշակերտները ստացան հայկական քաղցրավենիքներ դեսպանության անունից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր