ՀՀ դեսպան Տիգրան Մկրտչյանի հանդիպումը Սալոնիկում Հունաստանի վարչապետի գրասենյակի համակարգողի հետ

11 փետրվարի, 2026

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Սալոնիկում Հունաստանի վարչապետի գրասենյակի համակարգող Յաննիս Պապագեորգիուին։

Դեսպանը ներկայացրել է Սալոնիկ իր կատարած այցելության մանրամասները, նշել է Մակեդոնիայի և Թրակիայի մարզի հետ մշակութային, կրթական և տնտեսական ծրագրերի զարգացման հեռանկարները և մանրամասնել իրականացվող ծրագրերի մասին։ Դեսպանը նաև հույս է հայտնել, որ առաջիկայում միջմարզային հարաբերությունները շոշափելի առաջընթաց կունենան։

Միաժամանակ ներկայացվել են բարձր քաղաքական մակարդակում առկա հարաբերությունների մակարդակը, վերջին ժամանակահատվածում տեղի ունեցած և նախատեսված այցերը։

Յաննիս Պապագեորգիուն ներկայացրել է վերջին ժամանակաշրջանում մարզում գրանցված տնտեսական առաջընթացը, բիզնես ծրագրերը և զարգացման հեռանկարները, այդ թվում նաև զբոսաշրջության ոլորտում։ Կարևորվել է Հայաստանի շարունակական մասնակցությունը Սալոնիկի տնտեսական ցուցահանդեսներին։

Հանդիպմանը մասնակցել է Սալոնիկում ՀՀ պատվո հյուպատոս Ակիս Դագազյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր